Bernardo Carvalho

5 urte zituela, Jardim Jalecoren diskoa oparitu zioten, eta ez zen inoiz berriro bera izan.

Garai hartan hasiko zen aitaren apalera igotzen, aurkitzen zituen komiki guztiak irakurtzeko.

10 urte zituela, atso bat harrapatu zuen bere bizikleta horian abiada bizian zihoala, eta oroitzapen hori, damuarekin eta erruarekin batera, ez zaio inoiz joan.

16 urte zituela, Isabel eta Madalena ezagutu zituen, eta haiek erakutsi zizkioten bizitza intelektual baten gorabeherak.

17 urte zituela, proba psikoteknikoek «%92 aire zabala» adierazi zuten.

19 urte zituela, Faculdade de Belas Artes de Lisboako Komunikazio Diseinuko Ikastaroan sartu zen. Une batean, uztea erabaki zuen (proba psikoteknikoek arrazoi zuten).

Garai hartan, Sociedade de Belas Artes-eko Marrazketa Ikastaroa egin zuen.

22 urte zituela, enpadak banatzen zituen kafetegietan furgoneta batean. Ezagutzen duenak ez du zailtasunik izango kaleratzearen arrazoia asmatzeko («enpadak zapaltzea eta lapurtzea» zioen espedienteak). Horrela hasi zen bere marrazkilari-ibilbidea.

1999an, Planeta Tangerina sortu zuen.

Harrezkero, hainbat sari irabazi ditu:

BolognaRagazzi Awards (Non-fiction, 2019 / Opera Prima, 2015); Gustav Heinemann Peace Prize (Germany, 2017); Ohorezko Aipamena Leipzig Foundation-en «Best Book Design From All Over the World» sarian; «Album ilustratu onena» Deutscher Jungendliteraturpreis sarian (2017), «Argitaratutako Liburu Onena» Koreako CJ Picture Book Festival-en; Prémio Nacional de Ilustração 2009 eta 2020; «Liburu Onena» Banco del Libro (Venezuela); IBBYren Ohorezko Zerrendarako izendapena.

Bere liburuak 25 herrialde baino gehiagotan argitaratu dira.

Ilustratzaile guztiak