Cláudia Salgueiro
Licenciada en Deseño de Comunicación pola Faculdade de Belas-Artes da Universidade do Porto. Mestra en Deseño Editorial pola mesma institución.
Desde 2016 participa en varias exposicións no ámbito da ilustración, como «Plate it Please!» no Museu Vista Alegre, «Ilustração Portuguesa – Ilustradores Portugueses em destaque» na Festa da Ilustração de Setúbal ou a Mostra Colectiva Uivo na Maia.
En 2018 recibe o 1.º Premio no 11.º Encontro Internacional de Ilustração de São João da Madeira. En 2019 forma parte do colectivo gañador do premio de edición da Chili com Carne coa publicación «All Watched Over by Machines of Loving Grace», nomeada para o Prémio de BD Alternativa no Festival Internacional de Banda Desenhada d’Angoulême. En 2020 figura entre os finalistas do Prémio de Ilustração Editorial de Sansperarte na Bienal de Vila Nova de Cerveira.
Traballa e vive no Porto, entre o deseño e a ilustración.
