António Modesto
António Modesto Nunes naceu en Ponte do Abade, Aguiar da Beira, en 1957. Estudou arte e deseño na Escola Superior de Belas Artes do Porto, actual Faculdade de Belas Artes da Universidade do Porto, onde foi profesor desde 1983 ata a súa xubilación en 2023.
En paralelo coa docencia, é investigador (membro integrado do ID+), deseñador e debuxante, autor e coautor de múltiples artefactos e publicacións nas áreas do deseño gráfico e editorial, a ilustración, a identidade visual, a embalaxe, o deseño de equipamento e de interiores, cos que obtivo diversos premios e distincións. É coautor da mascota da Expo 98 e do manual máis adoptado polas escolas de Portugal para o ensino da Educación Visual no 3.º ciclo do ensino básico.
Foi director artístico do seu propio estudio de deseño ata 2012.
